Landlady sang ginsalvage nga biktima nga nakita sa banwa sang Dumangas naghatag man sang iya pahayag

ILOILO CITY-– Naghatag sang pahayag ang land lady sang babayi nga ginsalvage kag ginhal-id sa kilid sang highway sa Sitio Bool, Sapao Dumangas Iloilo.

Sa interview sang Bombo Radyo kay Raquel Fernandez land lady sang biktima, iya ginpahayag nga tatlo na ini ka tuig naga board sa iya boarding house sa Zone 8 Calaparan Arevalo Iloilo City.

Ginkilala naman ni Raquel ang biktima nga si Merlyn Serdeña residente sang Buenavista Guimaras kag kaupod sini nga nagaboard ang iya duha ka mga kabataan.

Ginpahayag man ni Fernandez nga sang byernes pa nga adlaw naglakat ang biktima kag wala na nakapauli pa.

Dugang pa ni Fernandez nga nakabatun na nga daan sang pamahog sa iya kabuhi si Sarvinia.

Nahibaluan nga ang madamo nga utang sang biktima ang ginatan-aw nga rason sa pagpatay sa iya.

Sa subong padayun pa ang ginahimo nga imbestigasyon sang Dumangas Police Station agud matumod kun sin-o ang mga persona nga responsable sa pagsalvage sa biktima ginhal-id sa higad sang dalan nga naka duct tape ang baba kag kamot.