Patay ang siyam ka mga turista kag pilason ang tatlo ka iban pa matapos nahulugan sang dalagku nga mga bato ang ila nga salakyan sa estado sang Himachal Pradesh sa India.
Santo sa footage nga naglapta na subong online, nagligid ang dalagku nga mga bato halin sa bukid, nag-igu sa mga naka-park nga salakyan, kag nagtupa man sa taytay rason nga nagcollapse ini.
Ginapahayag nga lakip sa mga biktima amo ang mga local tourists nga halin sa Delhi kag nagbisita lang sa popular tourist village nga Chitkul.
Wala pa sang maathag nga rason kun ngaa natabo ang insidente apang una diri, may gin-isyu na nga mga warning sang posible pagluntad sang landslides bangud sang mamunog nga ulan sa amo nga lugar.
