ILOILO CITY- Manamit ang langka ilabi na kun luot, pero kun hilaw, perfect man ini ilakot sa baboy kag kadiyos.
Suno sa Dietitian nga si Mira Ilic, ang langka may mas mataas nga vitamins kag minerals kun ipaanggid sa apples, apricots, bananas, kag abukado.
Naga-contain man ini sang folate, niacin, riboflavin, potassium, magnesium kag antioxidants.
Suno kay Ilic, ang nutrients sa langka mahimo nga magpanubo sang risgo para sa pila ka health issues nga nagalakip sang masunod:
1.High blood pressure- ang potassium sa sini nga tropical fruit ang makabulig panubo sang imo blood pressure agud makalikaw sa heart disease, stroke, kag bone loss.
2.Skin problems- ang mataas nga amounts sang vitamin C sa langka ang makabulig protekta sa panit gikan sa sun damage.
3.Cancer-ang phytonutrients nga makit-an sa langka ang natural compounds nga mahimo may cancer-fighting benefits, kaangay sang paglikaw sang cancer cells nga magporma sa lawas.
