BRGY. MANSAYA LAPUZ, ILOILO CITY– Ginahulat nalang sang Lapaz Police Station ang mangin desisyon sang pamilya sang 18 anyos nga solterito nga napatay bangud ginapahayag aksidente nga nagaling sang meat mixer sa isa ka frozen food factory sa Barangay Mansaya Lapuz sang damlag lang.
Sa interview sang Bombo Radyo kay Police Chief Master Sergeant Jerwin Servano, imbestigador sang Lapaz PNP iya ginpahayag nga desisyon nalang sang pamilya ang ila ginahulat kun bala igapaidalom sa autopsy examination ang bangkay sang biktima.
Bukas man suno kay Servano ang Lapaz Police Station agud maghatag sang bulig sa pamilya Junco sation nga luyag nila nga paimbestigaran liwat ang natabo sa ila himata.
Sa subong suno kay Servano, wala pa sang katapo sang pamilya Junco ang nagpalapit sa ila.
Gindugang pa sang natungdan nga sa base sa ila imbestigayon aksidente ang natabo kay Junco santo man sa mga panaysayon sang mga kaupdanan sini sa nasambit nga frozen food factory.
Nahibaluan nga nakaangkon sang pilas sa nagkalain-lain nga lawas ang biktima bangud man sa paglamon sa iya sang meat mixer.
