Ginbawian gid sang kabuhi ang walo ka bulan nga lapsag saa bungguanay sang traysikol kag motorsiklo sa Sulangan, Dumangas, Iloilo.
Suno sa Dumangas PNP, ginakungkong sang iya tiyo ang lapsag sa traysikol sang nabungguan sang motorsiklo.
Halos nagbaliskad gid ang traysikol bangud sa impact sang bungguanay kag nabuy-an sang tiya ang lapsag.
Ginhingagaw pa dala ang bata sa ospita apang gindeklarar nga dead on arrival.
Nag-angkon naman sang mga pilas ang tiyo kag amo man ang driver sang tricycle.
May pilas man ang 15- anyos nga driver sang motorsiklo.
Ginaistoryahan pa kun mapasaka sang kaso ang pamilya batok sa menor de edad nga driver sang motorsiklo.
