Lauman ang magal-umon nga tyempo nga may lapta-lapta nga pag-ulan kag isolated thunderstorms sa Visayas bangud sa epekto sang shearline.
Amo man sini ang forecast sang Philippine Atmospheric, Geophysical and Astronomical Services Administration (PAGASA) para sa Catanduanes, Albay, Sorsogon, Masbate, kag Palawan.
Suno pa sa state weather bureau subong nga aga, magadala naman sang pag-ulan ang northeast monsoon ukon amihan sa Cordillera Administrative Region, Cagayan Valley, Aurora, Quezon, nabilin nga bahin sang MIMAROPA, kag nabilin nga bahin sang Bicol Region.
Magadala man ang Amihan sang magal-umon nga tyempo kag pagpanalithi sa Metro Manila kag sa nabilin nga bahin sang Luzon.
Nagpaandam ang bureau sang posible matabo nga landslides ukon flash floods bangud sang nasambit nga shearline kag amihan.
Sa pihak nga bahin, maga-apekto naman ang easterlies kag magaresulta sa lapta-lapta nga pag-ulan kag thunderstorms sa Mindanao.
Ginklaro sang weather bureau nga wala ini sang na-monitor nga low-pressure area ukon tropical cyclone sa guwa kag sulod sang Philippine area of responsibility as of broadcast time.
