𝗜𝗟𝗢𝗜𝗟𝗢 𝗖𝗜𝗧𝗬 — Wala nakalampuwas sa intriga ang laragway ni Iloilo City Mayor Jerry Treñas sa tarpaulin nga ginagamit ni Iloilo City Lone District Representative Jamjam Baronda sa iya nga pagpanghatag sang cash assistance sa mga nasunogan sa Brgy. Tanza Bonifacio kag Rizal Estanzuela, Iloilo City Proper subong nga adlaw.
Sa interview sang Bombo Radyo kay Rep. Baronda, iya ginpahayag nga tanan nga ila ginapatuman nga aktibidad sang iya nga team ang ginagamit ang tarpaulin nga may nakapaskil nga litrato ni Mayor Treñas.
Suno kay Baronda, ang pagbutang sang laragway ni Mayor Treñas kaupod sa iya nga laragway ang pagpakita lamang sang respeto sa mga lokal nga opisyal, lakip man sa national nga mga lederes.
Ginpahayag man sang mamalidha nga isa lamang ang ila nga tinutuyo bilang mga leder sang syudad, amo ang mabuligan kag mapabtyag ang gugma para sa mga residente sang Iloilo City.
Gin-athag man sini nga deserve nga mabatyagan sang mga biktima sang sunog ang bulig niya kag ni Mayor Treñas.
Nahibaluan nga nagpadulong si Baronda sa nasambit nga mga barangay agud nga maghatag sang ₱10,000 nga cash assistance sa 34 ka mga benepisyaryo nga totally burned ang puluy-an matapos nagluntad ang sunog.
