ILOILO CITY- Nalubong na si late Jaro Archbishop-Emeritus Most Reverend Angel Lagdameo, DD.
Ginbutang ang urn nga nagaunod sang iya abo sa columbarium nga nahamtang sa right portion sang Jaro Metropolitan Cathedral.
Isa ka misa ang ginpatigayon nga ginpangunahan ni Most Rev. Jose Romeo O. Lazo, D.D., Archbishop of Jaro.
Gintambungan ini sang mga obispo sa nagkalain-lain nga mga archdioceses kag amo man si Apostolic Nuncio to the Philippines Archbishop Charles John Brown.
Napatay ang 81-anyos nga ‘people’s bishop’ sang Hulyo 8 sa St. Paul’s Hospital – Iloilo.
Matandaan nga nagserbe si Lagdameo bilang arsobispo sang Archdiocese of Jaro sa sulod sang 18 ka tuig — halin sang Marso 11, 2000 tubtub nga nag-retiro siya sang 2018.
Nangin presidente man siya sang Catholic Bishops’ Conference of the Philippines (CBCP) halin sang Disyembre 2005 tubtub sang Disyembre 2009.
