Indi pagdagdagan sang multa sang Land Transportation Office (LTO) ang late registration sa mga salakyan kag renewal sang driver’s license sa mga calamity-stricken areas.
Ini suno kay LTO acting Chief Greg G. Pua, Jr. ang pagsunod sa mando nanday Presidente Ferdinand “Bongbong” R. Marcos, Jr. kag Department of Transportation (DOTr) Secretary Vince Dizon nga ayudahan ang mga nabiktima sang sunud-sunod nga kalamidad.
Sakop man sang memo ang mga salakyan nga ginbakal sang Hulyo 21 tubtob 25, 2025 kag wala nairehistro sang temprano.
Suno kay Pua, ang pag-isip sa adlaw sang Sales Invoice ang magasugod sa Agosto 8, 2025 para makalikaw sa penalty sa late registration sang new motor vehicles.
Ipatuman man ang 15-day period para sa settlement sa tanan nga traffic apprehension cases nga napetsahan nga Hulyo 21-25, kag ang waiver matapos nag-igo sa pungsod ang mga bagyong “Crising,” “Dante”, kag “Emong”.
