Nagpahibalo si Agriculture Secretary Francisco Tiu Laurel Jr. sang dako nga pagbag-o sa rice import strategy sang pungsod.
Ini matapos nga magpagguwa sang isa ka advisory nga nagasiling mas manubo ang kinahanglan nga importasyon sang bugas para sa una nga quarter sang 2026.
Nakatalana nga kakson sang Pilipinas ang apat ka bulan nga import ban sa una nga semana sang Enero.
Ini nga tikang ang makahatag sang palaagyan sa Bureau of Plant Industry (BPI) nga liwat magbaton kag magproseso sang application para sa rice importation.
Apisar may pila ka rice varieties nga ginpahanugutan nga makasulod sang tion sang moratorium, kadam-an sa mga commercial shipments ang temporaryo nga gin-untat samtang gina-review sang gobyerno ang local production.
