Lawas sang 53 ka mga crew sang submarine nga naglugdang sa Bali, Indonesia, wala na sang tyansa pa nga maretrieve suno sa Indonesian Navy

No chance to retrieve bodies as Indonesia halts deep-sea salvage of sunken submarine

Tapuson na sang Indonesia ang ginapatigayon nga retrieval operation sa 53 ka mga crew members nga napatay matapos naglugdang ang KRI Nanggala 402 military submarine sa baybayon nga sakop sang Bali.

Nahibaluan nga sang Abril, nadula ang submarine nga naka-schedule kuntani nga magpatigayon sang torpedo training exercises.

Natukiban lamang ang submarine sang isa ka underwater rescue vehicle sa diin may yara ini nga kadalumon nga 800 meter ukon 2,600 ka tapak, nagkalaguba ang pila ka bahin kag wala sang senyales nga may yara sang makasalbar.

Gilayon nga nagbulig ang Chinese salvage ships sa pagkuha kuntani sang vessel nga naglugdang.

Sa statement sang Indonesian Navy, indi mahapos kag tuman ka delikado ang ila ginahimo nga pagpaninguha.

Masobra isa na ka bulan nga paghimakas nila agud makakuha sang importante nga materyales sa submarine apang ang desisyon nga tapuson na ang operasyon ang nagasiling nga wala na sang tyansa nga maretrieve pa ang mga lawas sang crew members.