ILOILO CITY – Duha ka mga witnesses ang naggwa kag nag-alegar nga nakit-an nila ang lawas sang missing beauty queen nga si Catherine Camilon nga puno sang dugo kag ginsaylo sa isa ka salakyan nagikan sa iya salakyan.
Suno sa mga witnesses, gab-i sang Oktubre 12 sang nakit-an nila ang isa sa mga persons of interest nga nagtaya sang armas sa ila.
Suno kay Criminal Investigation and Detection Group Director Major General Romeo Caramat Jr., ginpahayag sang mga witnesses nga antes nila nakit-an ang person of interest, nakit-an na nila ang pagsaylo sang lawas sang biktima.
Ang gunman ang ginapahayag nga personal driver sang isa pa ka person of interest.
Ginalantaw sa subong sang kapulisan ang crime of passion nga amo ang posible motibo sang krimen.
Suno sa kapulisan, agatipon na sila sang ebidensya agud nga makatukod sang mas mabaskog nga kaso batuk sa person of interest.
Nagapabilin naman nga missing ang amo nga beauty queen tubtob subong.
