Napatay bangud sa heart attack ang isa ka lawyer kag state auditor nga amo ang lider sa team sang Commission on Audit (COA) nga naga-kwestyon sa Department of Health kun ngaa masobra gid sa P67 billion ang nagamit sa COVID-19 funds.
Ang abogado amo si Atty. Jake Cimafranca.
Suno kay Former Commission on Audit commissioner Heidi Mendoza, August 4 pa ginbawian sang kabuhi si Cimafranca bangud sang atake sa korason.
Kahapon, Augusto 17, ginlubong si Cimafranca.
Magluwas sa DOH audit report, nakapirma man si Cimafranca sa audit report sa kontrobersiya kun sa diin involved naman ang Department of Information and Communications Technology.
Makamamatay ang stress suno kay Mendoza ilabi na para sa mga state auditors bangud sa nature sang ila nga trabaho.
Ang pagbuyagyag ni Mendoza sa kamatayon ni Cimafranca ang kasunod man sang pahayag ni Presidente Rodrigo Duterte sa iya Gabinete nga sundon lang kun ano ang iya nga mandu kag indi pagsapakon ang reports sang COA.
