ILOILO CITY – Nakasabat na si Mr. Juncae Manikan, ang pinuno sang Local Civil Registry, sa show cause order nga ginpaguwa ni Iloilo City Mayor Jerry Treñas.
Ini ang may kangtanan sa ginapahayag 180 ka mga peke nga kasal nga ginrehistro sa Local Civil Registry nga ginapamunu-an ni Manikan.
Sa interview sang Bombo Radyo kay Manikan, iya ginpahayag nga nakasaad sa iya affidavit nga makabig nga kwestyonable ang reklamo bangud nga peke ang pangalan kag ang pirma sang complainant.
Suno kay Manikan, magluwas sa peke nga kasal, madamu pa gid sang akusasyon batok sa iya ilabi na ang tuhoy sa pag-angkon sang bagman kag ang electioneering nga ginapangatubang sang iya tiayon.
Ginpahayag ni Manikan nga apektado na ang iya pamilya bangud sa pagpanghingabot sa iya kabuhi.
Sa pihak sini, ginpahayag sang natungdan nga ginsunod lang niya ang panugyan sang abogado nga sabton ang show cause order.
