Gindagdagan na sang arrest warrant sang Makati Regional Trial Court si Rep. Leandro Leviste may kaangtanan sa ginapahayag paglapas sini sa Public Service Act.
Ini ang ginkumpirma mismo ni National Bureau of Investigation (NBI) Director Melvin Matibag subong nga Oktubre 7.
Sa idalom sang ginpasaka sa iya nga kaso, posible ini nga maka-bail ukon makapyansa sang P72,000.
Si Leviste ang nagapangatubang sang pila ka mga akusasyon kag kaso may kaangtanan sa proyekto sini nga solar projects kag alleged “honey trap” operation nga naga-target kay Executive Secretary Ralph Recto.
Madumduman nga base sa pinakaulihi nga reports, si Leviste ang nagabantay sa iloy sini nga si Senator Loren Legarda sa France nga may ara sang ginakabig serious medical condition.
