Gin-akusaran sang isa ka nag-resign nga judge sang Miss Universe nga “luto” ang resulta sang amo nga pageant.
Sa social media sini, ginsiling ni Lebanese-French musician nga si Omar Harfouch, hurado sa Miss Universe 2025 nga nag-resign duha ka adlaw antes ang coronation event, nga “peke nga Miss Universe” ang nagda-og nga si Fatima Bosch sang Mexico.
Ginsaysay sini nga isa ka semana ang makaligad sa Dubai, gin-estorya nanday Rocha kag anak sini nga iboto si Bosch bangud makapamaayo ang kadalag-an sang kandidata sang Mexico sa ila negosyo.
Nagpromisa si Harfouch nga magpagguwa pa siya sang dugang nga detalye sa Mayo 2026.
Sa Instagram, gin-anunsyo niya ang pag-resign, kag ginsiling nga “isa ka secret vote” ang ginpatigayon para magpili sang 30 ka mga kandidata halin sa 136.
