LEBANON – Nagpanawagan sang bulig sa United Nations ang isa ka Lebanese lawyer kasunod sang natabo nga pagsigabong sa warehouse sa pantalan sa Beirut, Lebanon sa diin masobra 70 ang napatay.
Sa exclusive interview sang Bombo Radyo kay Atty. Flavie Zeidan, iya ginpahayag nga daw kaangay nga wala sang labot si President Michel Aoun sa natabo nga pagsigabong sa warehouse sa diin nakatago ang 2,750 ka tonelada sang ammonium nitrate sa sulod na sang 6 ka tuig.
Suno kay Atty. Zeidan, tuman ka delikado ang ammonium nitrate bangud isa ini ka kemikal sa paghimo sang bomba.
Ginlaslasan man sang abogada ang ila gobyerno bangud daw kaangay nga wala lang sila sang labot apisar nabutang na sa delikado ang kabuhi sang ila mga residente.
