Nalubong na sa tuman ka pigado nga sitwasyon ang mga residente sa pungsod Lebanon.
Suno kay Bombo International Correspondent Maricel Tayo,– direkta sa Lebanon, ang kapigaduhon sa amo nga pungsod ang tuga sang korupsyon kag indi maayo nga pagdumala sang gobyerno.
Gina-antos subong sang mga Lebanese ang tuman kamahal nga presyo sang mga nagapanguna nga balaklon, kakulang sang suplay sang wheat, halos adlaw-adlaw nga brown out, wala sang magamit nga generator fuel para batuan ang lamig, kag ini ang ginpalala pa sang padayon nga pagsaka sa presyo sang gatong tuga man sang Russia-Ukraine crisis.
Apektado man suno sa iya ang mahatag nga serbisyo sang mga ospital kag wala na sang mabakal nga bulong sa mga pharmacy.
Suno kay Tayo, madamo naman sa mga tawo sa Lebanon ang nadulaan sang trabaho.
Maayo man para sa natungdan nga wala ini nadulaan sang trabahao bangud padayon nga naga-operate ang mga salons sa Lebanon.
