Ginklaro ni President Ferdinand Marcos, Jr. nga napaidalom gihapon sa Alert Level 3 ang status sang Lebanon apisar sang nagasingki nga krisis sa Middle East bangud sa away sang pwersa sang Israel batok sa pwersa sang militante nga grupo nga Hezbollah.
Sa idalom sang sini nga alert level, may yara sang repatriation sa mga Pilipino apang boluntaryo lamang.
Kun ipasaka naman ini sa Level 4, buot silingon, magapanawagan na ang gobyerno sang mandatory repatriation para nga mapasulabi ang mga Pinoy kag mahilway sa anuman nga katalagman.
Suno kay Marcos, nakadepende pa ini sa sitwasyon kag padayon man subong ang assessment sang Department of Foreign Affairs (DFA) kag embahada sang Pilipinas.
Kahapon, Oktubre 9, samtang yara sa ASEAN summit sa Laos, nagpatawag si Marcos sang online meeting kaupod ang Gabinete agud nga istoryahan ang mga pagbag-o sa sitwasyon sa Lebanon kun sa diin nagsugod na ang Israel sang ground operations.
Ginsugo man sang presidente ang tanan nga concerned government agencies nga hulagon na ang tanan nga available assets para nga mapat-od nga safe kag husto ang tiyempo sang repatriation sa mga Pilipino nga apektado sang krisis.#
