Nagapanguna ang Milwaukee Bucks forward nga si Giannis Antetokounmpo sa botohay sa Eastern Conference, samtang si Los Angeles Lakers superstar LeBron James naman ang nagapangibabaw sa West sa early voting para sa 2024 NBA All-Star Game.
Isa na si James ka 19-time NBA All-Star samtang pito ka beses naman nga nahingadlan si Antetokounmpo.
Ang duha ang pareho nga nagapanguna bilang frontcourt players.
Ang leading vote getters naman sa guard amo si Luka Doncic sang Dallas Mavericks sa West kag Tyrese Haliburton sang Pacers sa East.
Ini nga fan vote ang 50 porsyento lamang sang data nga ginagamit agud desisyunan kun sanday sin-o ang Eastern kag Western Conference starters.
Ang current players ang maga-desisyon sa 25 percent kag ang panel of media naman para sa final 25 percent.
Naka-schedule ang 2024 NBA All-Star Game sa Pebrero 18 sa Indianapolis.
