Indi gihapon makaupod si LeBron James sa hampang sang Los Angeles Lakers batok sa Minnesota Timberwolves subong nga aga.
Gin-cite sang team ang “personal reasons”.
Sa hampang batok sa Portland, wala man siya nakaupod sa Lakers bangud sa “left foot soreness” nga naangkon sini matapos ang hampang batok sa Miami Heat.
“For us, we have to be cognizant as we play more and more games, just the cumulative effect of playing a lot minutes,” suno naman kay Lakers coach JJ Redick. “And Sunday, being banged up with the foot thing, it felt like a good opportunity for him to get some rest.”
Antes ang iya pag-absent, 22 ka beses nga yara ang 39-anyos nga forward sa mga hampang sang Lakers subong nga NBA season.
Naga-average siya sang 23 points, 9.1 assists kag eight rebounds apang bangud wala ini nag-practice sang nagligad nga Mierkules, nagataas ang espekulasyon sa isyu sa iya ikaayong lawas kag ginaalegar nga potential trade candidacy bangud sa iya edad nga maga-40-anyos na sa Disyembre 30.#
