ILOILO CITY – Ginapahayag nga nagaplano na si LeBron James nga magretiro sa basketball matapos nga ginlampaso ang Los Angeles Lakers sang Denver Nuggets sa playoffs sang National Basketball Association.
Nag-ugat ang speculations sa pagretiro sang 38-anyos nga baskteball star bangud sa iya cryptic post-game press conference kun sa diin, ginpahayag sini nga nagaplano ini nga magpanumdom na sa masunod nga stage sang iya career matapos ang exit sang Lakers.
Sang ginpamangkot naman sa iya reflections sa nagligad nga season kun sa diin, nangin league’s all-time leading points scorer siya kag gindala ang Lakers sa bibi sang Finals, ginpahayag ni LeBron nga “challenging” ang iya nangin kampanya.
Nagpirma sang two-year contract extension si LeBron sa Lakers sang nagligad nga Agosto gani, magapabilin siya sa club sa 2024-2025 season.
Una na niya nga ginpahayag nga gusto niya nga mapalawig pa ang iya career agud nga makahampang niya ang iya subang nga anak nga si Bronny James nga magahampang na sa college basketball sa masunod nga season kag ginapanan-aw nga magasulod sa National Basketball Association sa 2024-2025 campaign.
