Buksan na subong nga Nobyembre 2023 ang museum nga ginadedikar sa kabuhi, karera, kag legasiya sang NBA great nga si LeBron James!
Lakip sa mga makit-an sa “LeBron James’ Home Court” sa iya hometown sa Akron, Ohio amo ang mga items nga importante sa kabuhi sang Los Angeles Lakers superstar halin sa Akron pakadto sa NBA, Olympics, business, philanthropy, kag iban pa.
Jasen Vinlove-USA TODAY Sports
Igabalik man sini ang fans sa tion nga yara pa lamang si James sa 2003 NBA Draft, sa iya championship halin sa Cleveland Cavaliers, Miami Heat kag Los Angeles Lakers kag mangin sa pagdaog sang gold-medal sa Olympiada.
Pormal nga buksan sa Nobyembre 25 ini nga museum nga makit-an sa House Three Thirty, isa ka pasilidad nga gintukod sang foundation ni James agud maka-serbe sa komunidad kun sa diin siya nagdaku.
Magakadto ang tanan nga proceeds sang ticket sales sa amo man nga komunidad.
Si James, isa ka four-time NBA champion, four-time Most Valuable Player, kag all-time NBA scoring leader, ang nagahampang gihapon subong sa liga para sa iya ika-21 nga NBA season. #
