Wala naga-panic ang basketball superstar nga si LeBron James apisar sang kalutusan sang Los Angeles Lakers sa kamot sang defending champion nga Denver Nuggets sa Game 1 sang 2024 NBA Playoffs sa Western Conference.
Ang pag-pierde sang Nuggets sa Lakers amo man ang nagamarka sang ika-siyam nga sunod-sunod nga paglutos sini sa amo nga team.
Wala pa nakaagi daog ang Lakers sa Nuggets halin sang Disyembre 16, 2022 apang tilawan nila nga makabawi sa Game 2 sa Ball Arena sa Denver, Colorado 10:00 buwas sa aga, oras sa Pilipinas.
Suno kay James, Game 1 pa lamang ini gani may tyansa pa sila nga kay-uhon ang hampang.
“It’s one game, they protected their home court. We have another opportunity on Monday to come back and be better. We know how challenging it’s gonna be, we know how difficult this opponent is and how great they are. So that’s all a part of the game. I don’t get into the doubt mindset, that’s not me. I’m the wrong guy to ask,” pahayag sini.
Gindayaw man sini ang execution sang offense sang Denver sa third quarter; kag gin-ako man nga kulang ang Lakers sa pagtutok sa detalye sang hampang kun gusto nila nga makalagas sa serye.
114-103 ang skor kahapon kun sa diin nagpanguna si Nikola Jokic sa Nuggets may 32 points kag 12 rebounds; samtang si James naman ang may 27 points kag may 32 points naman si Anthony Davis.
Ang Game 1 sa tunga sang duha ka teams amo ang ginbantayan gid sa imbukada nga hampang sa 2024 NBA Playoffs ilabi na bangud nagsambuwa man ang mga ini sa Western Conference finals sang nagligad nga tuig.#
© Andrew Wevers-USA TODAY Sports
