Magahimo sang maragtas ang Los Angeles Lakers sa National Basketball Association (NBA) pananglitan makabangon pa ini sa serye kag malutos pa sini ang Denver Nuggets sa Western Conference Finals.
Abanse subong ang Nuggets sa serye, 3-0, matapos ginlampaso ang Lakers sa Game 3 kahapon, 119-108, sa mismo home court sang Lakers.
Buot silingon, isa ka daog na lang ang kinahanglan sang Nuggets kag makasulod na ini sa NBA finals.
Sa pinanid sang maragtas sang NBA, wala pa sang bisan isa ka team nga nakaagi-bangon gikan sa 3-0 nga deficit sa playoffs.
Apang para sa Lakers superstar nga si LeBron James, indi pa tapos ang hampang bangud posible pa sila nga makadaog sa Game 4. Indi mag-ako ang veteran basketball player nga nalutos na ang Lakers tubtub nga indi pa maka-diretso sa 4 wins ang Nuggets.
Sang ginpamangkot kun nagalaum pa ang iya teammates nga makabawi, sabat ni James: “It should be. I hope so. I can’t speak for the guys right now because I don’t know what’s going on through all their minds right now. But I still do.”
Mensahe pa sini sa iya kaupdanan sa Lakers: “Just focus on game four, and you know, that’s all you can really think about. Obviously this game is over and done with. We had some opportunities, but we didn’t come through. So just get ready for Monday and just got to get one. It’s a one-game series for us. Every game counts.”
Patigayunon ang Game 4 sa Crypto.com Arena sa Los Angeles buwas, Martes, 8:30 sa aga oras sa Pilipinas. #
