ILOILO CITY – Balantayan ang pagbalik sang Lechon festival kadungan sang pagbalik man sang face-to-face Iloilo Paraw Regatta Festival.
Sa interview sang Bombo Radyo kay John Lex Bayombong, chairperson sang Paraw Regatta Festival, iya ginpahayag nga ang Lechon festival ang hiwaton sa Marso 19 sa highlight mismo sang festival.
Iga-feature diri ang sikat nga lechon nagikan sa anum ka mga establishments sa distrito sang Arevalo.
Magluwas sa lechon festival, balantayan man ang Paraw Regatta race sailing nga amo ang main event nga ginapanan-aw nga magalawig sang masobra 30 km nagikan sa Villa Beach padulong sa Guimaras Island kag vice-versa.
Balantayan man ang Paraw Photo Contest, Miniature Paraw Making Contest, Pinta sa Paraw Mural Making Contest, Paraw Job Fair, Slalom Race, Pinta Layag, Beach Volleyball, Sinamba de Regatta, Pinta Tawo, kag Lighted Paraw Contest.
Magasugod ang aktibidad sa Marso 12 kag magalawig tubtub sa Marso 19.
