Nagdaog si Lee Jae Myung sang Democratic Party sa snap presidential election sang Martes, base sa exit poll.
Nakuha ni Lee ang 51.7 percent sang boto, kontra sa 39.3 percent sang iya kontra nga si Kim Moon-soo sang People Power Party.
Ginpahayag sang mga South Korean media nga si Lee nag-angkon sang madinalag-on nga pagdaog batok kay Kim Moon-soo, base sa mga datos halin sa exit polls.
Ginpatigayon ang snap election bangud sa impeachment ukon pagpahalin sa puwesto ni anay President Yoon Suk Yeol matapos ini nagdeklara sang martial law sa madasig lang nga tinion.
Ang pagbalik ni Lee sa politika ginakabig nga isa ka dramatiko nga comeback, matapos siya napyerde kay Yoon sang 2022 nga eleksyon.
