ILOILO CITY – Regular nga nagapatigayon sang declogging operation ang Local Economic Enterprise Office (LEEO) sa mga merkado publiko sa syudad sang Iloilo ilabi na sa Iloilo Terminal Market.
Ini ang may kaangtanan sa pagbaha sa sulod sang Iloilo Terminal Market matapos ang pagbubo sang mamunog nga ulan kahapon sang hapon.
Sa interview sang Bombo Radyo kay LEEO Chief Mr. Ariel Castañeda, iya ginpahayag nga indi masarangan sang decloging ang pagsolbar sa pagbaha sa nasambit nga merkado.
Ini bangud nga sa pagpaathag ni Castañeda, wala nagatupong ang kataason sang drainage system kag sang mismo istraktura sang merkado.
Agud nga masolbar ang pagbaha, mas makapaayo suno sa natungdan nga gub-on kag ilisan sang bag-o ang kabug-usan sang Iloilo Terminal Market.
