Ginaplastar na sang Local Economic and Enterprise Office (LEEO) ang schedule para sa pagpatigayon sang vaccination program para sa mga vendors sa kada merkado sa syudad sang Iloilo.
Sa interview sang Bombo Radyo kay Maricel Mabaquiao, Head sang LEEO, iya ginpahayag nga naka-umpisa na sila sa rekorida kasunod sang announcement ni Iloilo City Mayor Jerry Treñas nga ang masunod nga target nga pagabakunahan batuk sa COVID-19 amo ang mga vendors ukon traders.
Indi magnubo sa 100 ka mga vendors ang nakapa-pre register na sa pagpabakuna samtang ang iban naman ang nabakunahan na.
Ang Iloilo Terminal Market ukon Super suno kay Mabaquiao amo ang una nga patigayunan sang vaccination program.
