ILOILO CITY – Nalapawan sang Iloilo City Local Economic Enterprise Office ang target sini nga collection sa bulan sang Hunyo.
Ini apisar nga nagsaylo ang mga vendors sa temporary stalls agud nga maghatag sang ligwa sa rehabilitation.
Sa interview sang Bombo Radyo kay Maricel Mabaquiao, pinuno sang talatapan, iya ginpahayag nga nagdangat sa P6,971.994 million ang collectin sang nagligad nga bulan nga mas mataas sa target nga P6.6 million.
Ang ini nga collection ang nagikan sa tanan nga mga public markets sa syudad kag sa Iloilo City Slaughterhouse.
Suno kay Mabaquiao, ang padayon nga monitoring sang mga vendors ang isa sa rason sang mataas nga koleksyon sang syudad.
Dugang pa niya, padayon man ang pagbayad sang mga vendors sa tanan nga mga market fees.
Ginpanginbulahan naman ni Mayor Jerry Treñas ang maayo nga performance sang Iloilo City Local Economic Enterprise Office.
