ILOILO CITY-Total rehabilitation ang sabat sa mga problema sa mga merkado publiko sa Syudad sang Iloilo partikular na sa Iloilo Terminal Marker ukon Super kag Iloilo Central Market.
Sa interview sang Bombo Radyo Iloilo kay Mr. Ariel Castañeda, chief sang Local Economic Enterprise Office (LEEO), iya ginpahayag nga ini ang iya igarekomendar kay Mayor Jerry Treñas sa tion nga ipatawag siya sang alkalde.
Suno kay Castañeda,
tuman na ka depektibo ang struktura sang duha ka mga merkado publiko
sa diin gubaon ang mga atop kag barado ang mga drainage nga amo ang
masami ginaagunto sang mga vendors kag bumalakal.
Ginpahayag sang LEEO
chief nga sang nagligad nga administrasyon pa niya ginhingyo nga
mapondohan ang rehabilitasyon sang nasambit nga mga merkado apang
wala ini tanan natigayon.
Samtang,magluwas sa mga merkado publiko, idangop man ni Castañeda sa alkalde ang problema sa gubaon gihapon nga mga kagamitan sa Iloilo slaughter house.
