ILOILO CITY – Dal-on na sa Korte Suprema sang mga nagapamatok sa deklarasyon sang Martial Law sa Mindanao, ang legal battle.
Ini matapos nga lunsay ginsuportahan sang duha ka panalgan sang Kongreso ang deklarasyon ni Presidente Rodrigo Duterte.
Sa interview sang Bombo Radyo Iloilo, ginpahayag ni Magdalo Rep. Gary Alejano nga suportahan sang minority sa Kamara ang grupo nga magpasaka sang petisyon sa Supreme Court.
Suno sa mamalidha, may pila ka mga grupo nga mapasaka sang petisyon sa Korte Suprema agud kuwestyunon ang deklarasyon.
Sa iya bahin, ginpahayag ni Alejano nga personal siya nga magasuporta diri agud ipakita ang pagpamatok sa Martial Law.