ILOILO CITY– Ginaproseso na ang mga legal documents sang anak ni the late Iloilo City Councilor Armand Parcon nga si Atty. Frances Grace Parcon, agud maindorso na siya sa office of the President bilang magatal-os sa nabakante nga posisyon sang iya amay.
Ini ang kasunod sang pormal nga pagsumpa ni Atty. Parcon bilang myembro sang National Unity Party (NUP).
Sa interview sang Bombo Radyo kay Iloilo City Mayor Jerry Treñas, iya ginpahayag nga pormal na nila nga iga-endorso si Atty. Parcon agud magbulos sa iya amay.
Suno kay Treñas ang nasambit nga lihok ang sabat sa kagustuhan sang mga nagboto sa nagtaliwan nga konsehal.
Posible naman suno kay Treñas nga mahatagan sang komitiba sa City Council si Atty. Parcon apang ginklaro niya nga wala siya naga-intra sa distribusyon sang komitiba sa Sangguniang Panlungsod.
Matandaan nga nagtaliwan sa edad nga 59 anyos si Councilor Parcon bangud sa pneumonia.
Ang konsehal ang una nga gindala sa ospital matapos ang eleksyon.
Si Councilor Parcon ang una nga gin diagnose nga may lung cancer.
Ini ang nakakuha sang boto nga 105, 912 sa nagligad nga eleksyon sa nga nagbutang sa iya sa ikaduha nga pwesto.
