Duha na ka mga barangay sa banwa sang Lemery ang ginrespondehan sang kapulisan agud ikumpirma kun may mga vote buying gidman nga nagakatabo.
Sa interview sang Bombon Radyo kay Police Captain John Robles, hepe sang Lemery Municipal Police Station, iya ginpahayag nga may mga nag-report sa ila nga may ginapatigayon nga vote buying sa amo nga mga barangay apang sa tion nga ginkadtuan ini, wala sang amo nga hitabo.
Suno kay Robles, magluwas diri, may mga nakit-an man sa social media apang wala sang pormal nga may naga-complaint sa ila estasyon.
Dugang ni Robles, kung may mga makit-an ukon may ginahawidan nga mga ebidensya kaangot sa pagpamakal sang boto gilayon lang nga makipag-angot sa ila.
Text by: 𝑩𝒐𝒎𝒃𝒐 𝑯𝒂𝒏𝒏𝒂 𝑨𝒏𝒅𝒂𝒔𝒂
