Napalab-ot na sang Iloilo City Government sa COVID-19 Inter-Agency Task Force for the Management of Emerging Infectious Diseases (IATF-EID) ang letter of appeal agud nga ipabilin sa Modified Enhanced Community Quarantine (MECQ) ang status sang syudad.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga ang health care utilization rate sang syudad ang ginlantaw sang IATF bilang basehan agud ipasaka sa enhanced community quarantine (ECQ) ang status sang Iloilo City.
Suno kay Treรฑas, apang indi ini mangin patas bangud 60 percent sang mga pasyente sa mga ospital sang syudad ang indi residente sang Iloilo City rason nga nagakadapat paminsaran anay ini sang IATF.
Magluwas diri, suno sa alkalde, nalakip sa letter of appeal nga nagakadapat man nga panubuan pa ang quarantine classification sang syudad bangud sa mga masunod:
- Asod-asod kag mabaskog ang contract tracing efforts sang syudad;
- Makasarang ang syudad sa pagcater sang COVID-19 patients sa diin 30 percent pa lamang sang quarantine beds ang nagamit;
- Nagnubo sa 24.41 percent ang kaso sang COVID-19 sa duha ka semana sang Hulyo ipaanggid sang nagligad nga bulan sang Hunyo;
- Wala untat ang COVID-19 vaccination sang syudad;
- Epektibo ang pagpatuman sang syudad sang istrikto nga health protocols kasunod sang amat-amat nga pagnubo sang kaso sang COVID-19;
- Nagapatigayon ang syudad sang daily monitoring sa kaso sang virus kag nagapatuman sang directives agud nga ma-address ang COVID-19 situation;
- Epektibo man ang pagmanage sang syudad sa mga close contact, massive COVID-19 testing kag pagpatigayon sang swift isolation;
- Bastante ang syudad sa pagprovide sang augmentation sang manpower sa mga ospital kag healthcare facilities; kag
- Madamo sang private sector kag medical organizations ang nagpalab-ot sang bulig sa syudad agud masolusyunan ang sitwasyon sa COVID-19
Nahibaluan nga pila ka mga business group sa syudad ang nag-upod man sa Iloilo City Government sa pagsulat sang letter of appeal sa IATF.
