Palareho ang unod sang letter nga ginpadala sang Association of Barangay Captains (ABC) sang Distrito sang Arevalo, Jaro kag Mandurriao kay Mayor Raisa Treñas kaangot sa pagpauntat sang proyekto sang Department of Public Works and Highways-Iloilo City District Engineering Office (DPWH-ICDEO).
Ang mga proyekto nga ginatumod amo ang Esplanade slope protection sa Barangay Mohon sa Arevalo, Barangay Calubihan kag Desamparados sa Jaro kag amo man sa Barangay Bakhaw kag Bolilao sa distrito sang Mandurriao.
Nahibaluan nga namensyonar sang alkalde nga nagpadala sa iya sang letter of support ang mga Punong Barangay sa nagkalain-lain nga distrito agud madagdagan sang cease and desist order ang mga proyekto nga gilayon man nga ginbawi bangud magapatigayon sang scientific Investigation sa mga proyekto nga possible rason sang pagbaha nga isumiter sa Iloilo City Government.
By: 𝑩𝒐𝒎𝒃𝒐 𝑯𝒂𝒏𝒏𝒂 𝑨𝒏𝒅𝒂𝒔𝒂
