ILOILO CITY- Wala na sang may namonitor nga quarry operations sa Suage River ang Local Government Unit sang sa Janiuay, Iloilo.
Sa interview sang Bombo Radyo kay Mr. Joven Barranco, officer sang Municipal Environment and Natural Resources Office, iya ginpahayag nga padayon ang ila pagbantay kun may yara sang quarry operations sa nasambit nga suba.
Suno kay Barranco, sa tion nga may yara sang nagapatigayon sang iligal nga pag-quarry sa Suage river ila ini gina-responderan kag gilayon nga ginapauntat.
Nahibaluan nga ang Suage River ang nagasakop sa barangay Barasalon, Canawillian, Quipot, Ubian, Yabon, Calmay, Kuyot kag Caraudan.
Matandaan nga naglupok ang balita tuhoy sa quarry operations sa Janiuay matapos matukiban nga naga-apply pa lang sang permit ang BSP & Company, Inc. agud nga makapatigayon sang quarry operation sa nabukid nga bahin sang Janiuay, Iloilo apang nakaumpisa na sila sang quarry operation.
Kasunod man ini sang reklamo sang mga mangunguma nga apektado ang irigasyon sa ila umahan bangud sa quarrying sa lugar.
