ILOILO CITY – Nagpasalig si Buenavista, Guimaras Mayor Eugene Reyes nga wala sang nagakadapat nga kabalak-an ang mga pumuluyo apisar nga may yara na sang labing una nga kaso sang Coronavirus Disease 2019 (COVID-19) sa probinsya sang Guimaras.
Sa interview sang Bombo Radyo kay Reyes, iya ginpahayag nga si Patient no. 72 nga 27 anyos nga lalaki nga isa sa mga gin repatriate nga Overseas Filipino Worker ang wala pa nakapauli sa Buenavista ukon sa diin man nga bahin sang Guimaras.
Suno kay Reyes, ginatinghuaan niya nga makig-angot sa repatriates nga gikan sa banwa sang Buenavista agud makapadala sang bulig.
Ginpahayag ni Reyes nga nakahanda sa gihapon ang Local Government Unit sang Buenavista nga magpadala sang bulig apisar nga sayluhon na ang pasyente sa Western Visayas Sanitarium.
