WESTERN VISAYAS – Kumpleto na nga nakapasa ang tanan nga Local Government Unit (LGU) sang ila tagsa ka mga dokumento sang transitioning teams.
Sa interview sang Bombo Radyo kay Sheryl Faulve, Regional Focal Person for Newly Elected Officials, iya ginpahayag nga 139 out of 139 na ang nakapasa sang dokumento sa bug-os nga Wetern Visayas.
Suno kay Faulve, maga umpisa na sa Hulyo ang training para sa mga newly elected officials pinaagi sa Local Government Academy (LGA).
Dugang pa sang natungdan, ang orientation sang mga gobernador ang patigayunon sa Hunyo 24 tubtob 26; sa city mayor Hulyo 8 tubtob 10; kag municipal mayors Hulyo 17 tubtob 19.
Apang gin-athag ni Faulve nga ang mga nasambit nga petsa ang tentative lamang kag mahimo pa ini nga maislan.
