ILOILO CITY– Nagapangabay ang Local Government Unit sang banwa sang San Lorenzo,Guimaras sa mga pumuluyo nga sundon ang ginapatuman nga mga minimum health standards bangud sa Coronavirus Disease 2019 (COVID-19).
Sa interview sang Bombo Radyo kay San Lorenzo, Guimaras Mayor Ninfa Gajo, iya ginpahayag nga kuntani padayun nga magsunod sa ginapatuman nga mga protocols ang mga pumuluyo.
Suno kay Gajo, dapat padayun ang pagsunod sa strikto nga paggamit sang facemask sa tion nga yara sa pampubliko nga lugar, lakip na ang pag-obserba sang physical distancing.
Dugang pa sang natungdan, sa tion nga ginasunod sang tanan ang mga protocols, malikawan ang pagtapik sang COVID-19 lakip na ang paglapta sini.
