LGU sang Banate, Iloilo, ginahandaan ang posibilidad nga mahimo kulangon ang quarantine facility para sa ROFs, LSIs kag asymptomatic COVID-19 patients

BANATE, ILOILO – Naglab-ot sa 32 ang nagapabilin sa quarantine facility sang Banate, Iloilo.

Sa interview sang Bombo Radyo kay Dr. Venus Banias, Municipal Health Officer sang Banate, Iloilo, iya ginpahayag nga sa 32, 10 diri ang Returning Overseas Filipinos, 20 ang Locally Stranded Individual kag duha ang suspected local case sang COVID-19.

Suno kay Banias, ginahulat pa ang resulta sang COVID-19 test sang mga nagatinir sa 50-bed capacity nga quarantine facility kag kun kulangon, ginanegosyar na sang Local Government Unit ang tatlo ka eskwelahan.

Ginpahayag ni Banias nga humalin sang Marso, 19 ka COVID-19 positive ang na record kag lunsay na naka-recover sa subong.