ILOILO CITY–Indi na kinahanglan suno kay Calinog Municipal Mayor Alex Centena nga magdeklarar sang state of calamity sa Calinog, Iloilo bangud sa Hepatitis A outbreak.
Sa interview sang  Bombo Radyo kay Mayor Centena, wala na nagakinahanglan state of  calamity bangud nasolbar na ang problema sa pagduging sang Hepa A.
Dugang pa sang alkalde nga kontrolado na ang sitwasyon kag wala na nagasaka pa ang numero sang mga apektado.
Naghatag naman ang si Centena sang mando nga dapat ang tanan nga mga food handlers ang wala sang balatian kag indi mahimo nga makabaligya kun wala sang  health certificate.
Indi naman maluyag ang Alkalde nga maglapta ang Hepa A bangud mahimo nga mahulog pa ini sa Hepa B.
Ginpasirado man niya nga ang mga canteen nga nagpositibo sa Hepa A.
Naghatag sang 2,000 pesos nga bulig pinansyal ang banwa sang Calinog sa mga apektado agud may inugpa-check up ang mga biktima kag may inugbakal sang bulong.
Nahibaluan nga sa banwa sang Calinog may yara sang 75 ka mga nagpositibo sa Hepatitis A samtang 102 naman ka mga kaso ang narecord.