CALINOG, ILOILO – Magatukod sang Community Hospital ang Local Government Unit sang Calinog, Iloilo para sa anom ka mga barangay.
Sa interview sang Bombo Radyo kay Calinog, Iloilo Mayor Francisco Calvo, iya ginpahayag nga katuyuan sang sini nga proyekto amo ang mahatagan sang bulig medikal ang mga residente sang anom ka mga barangay nga nahamtang sa maligwin kag malayo nga lugar sa amo nga banwa.
Suno kay Calvo, ang ipatukod nga community hospital ang nakasentro sa barangay Caratagan, Hilwan, Manaripay, Supanga, Binolosan, Guinbonyugan, kag Tigbayog.
Ginpahayag sang natungdan nga P17 million ang pondo nga ginpain para sa nasambit nga proyekto.
