DUMANGAS, ILOILO – Ginatun-an na sang Local Government Unit sang Dumangas, Iloilo ang pagdihon sang exit plan may kaangtanan sa pagdula sang Enhanced Community Quarantine.
Sa interview sang Bombo Radyo kay Mayor Ronaldo ‘Onal’ Golez, iya ginpahayag nga sa subong, tuman ka istrikto ang ginapatuman nga border restrictions ilabi pa nga may yara sang port sa Dumangas kag may kumpirmado nga kaso sang Coronavirus Disease 2019 (COVID-19) sa mga kaiping nga banwa.
Suno kay Golez, istoryahan pa nila sa Municipal Disaster Risk Reduction and Management Council kun ano ang mangin kaundan sang exit plan.
Ginpahayag ni Golez nga sa subong, 3 na lang ka Persons Under Monitoring kag wala na sang Person Under Investigation sa Dumangas.
Sa pihak sini, nagalaum ang alkalde nga sa bulan sang Mayo, wala na sang Person Uner Monitoring kag wala na sang panibag-o nga COVID-19 case sa ila banwa.
