GUIMBAL, ILOILO – Amat-amat na nga nakapanghatag sang ayuda sa mga pumuluyo ang Local Government Unit sang Guimbal, Iloilo.
Sa interview sang Bombo Radyo kay Mayor Oscar Garin, iya ginpahayag nga ginabanta nga 5,000 households ang nakabaton sang bugas kag cash kag lauman nga sa masunod nga indlaw, may yara naman sang maga-abot nga bulig.
May yara sang listahan sang indigents suno sa alkalde agud nga masigurado nga mahatagan sang ayuda ang tanan nga residente sang banwa.
Lauman man suno kay Garin ang cash assistance halin sa Social Amelioration Program nga igahatag direkta sa mga pumuluyo.
Kun tuhoy naman sa proseso sang pagpanghatag sang ayuda, mas makapaayo suno sa natungdan nga ihatag na lang ini direkta sa pumuluyo sa baylo nga ipaagi sa kun diin nga ahensya sang gobyerno.
