ILOILO – Nagpanugyan ang Oton, Iloilo, sa mga pumuluyo nga sundon ang mando ni Iloilo Governor Arthur Defensor Jr., nga indi pagduyunon ang mga programa sa pyesta sa Disyembre 8.
Sa interview sang Bombo Radyo kay Jafet Salinas, COVID-19 focal person sang Oton, Iloilo iya ginpahayag nga sa pagsaulog sang kaadlawan sang Imaculada Concepcion, meditation kag pagpangamuyo sa panimalay ang puwede na mahimo sang pumuluyo.
Suno kay Salinas, base sa mando sang Gobernador sang Iloilo, wala sang pagtilipon kag indi pagdayunon ang mga selebrasyon.
Pahayag sang natungdan nga ini ang may kaangtanan sa padayon nga pagbato sa ginaatubang nga COVID-19 pandemic.
