ILOILO CITY–Nagpaguwa sang reward money ang Local Government unit (LGU) sang Passi City agud nga madali nga madakpan ang suspek sa pagpatay sa isa ka manunudlo.
Sa interview sang Bombo Radyo kay Paasi City Mayor Jesrey Palmares, iya ginpahayag nga may yara sang patong sa ulo ang suspek nga si Jun “Winwin” Aguilar nga amo ang nagpatay kay Ma. Corazon Tionson sang Brgy. Gemumua Agahon.
Santo sa pagpangusisa, bag-o lang nga nakaguwa sa presuhan si Aguilar.
Nagpamalibad naman si Palmares nga ihingadlan kun bila gid ang kabug-usan sang reward money agud nga madakpan si Aguilar.
Samtang, nagpaguwa na sang duha ka warrant of arrest ang Paasi City PNP batok sa duha ka mga suspek nga nagluthang-patay sa isa pa gid ka mga manunudlo nga si Nicanor Labo sang Brgy. Aglalana sa nasambit nga syudad.
Ang tatlo ka mga John Does suno kay Palmares nga natumod naman sang mga otoridad.
Nagpamalibad sa gihapon ang alkalde nga maghatag sang pahayag bangud nga confidential ang impormasyon nga mahimo makaapekto sa kaso.