STA BARBARA, ILOILO– Nagapadayun ang pagpakig-away sang Local Government Unit (LGU) sang Sta. Barbara, Iloilo agud matapna ang Dengue.
Ini ang may kaangtanan sa nagasaka nga kaso sang dengue sa probinsya.
Sa interview sang Bombo Radyo kay Mayor Rema Somo, iya ginpahayag nga nagapadayun ang lihok sang banwa batok sa Dengue Hemorrhagic Fever.
Maga-upod man ang LGU sa ‘Do Day Kontra Dengue Drive’ umpisa subong nga adlaw agud matinlu-an ang palibot kag madula ang breeding grounds sang mga lamok nga nagadala sang Dengue.
Ginkansela ang klase sa Sta Barbara National Comprehensive High School kag Sta Barbara Central school bangud man sa pagdamo sang lamok sa eskwelahan kag agud malikawan nga mabiktima sang Dengue ang mga estudyante.
