ILOILO CITY – Ginalauman nga mangin pinakauna nga Local Government Unit ang Iloilo City sa Pilipinas nga makabakal sang COVID-19 vaccine.
Ini matapos nga nagpain sang P200 million ang Iloilo City Gov agud ibakal sang Oxford-AstraZeneca vaccine halin sa London sa United Kingdom.
Sa interview sang Bombo Radyo kay Iloilo City Councilor Atty. Rommel Duron, iya ginpahayag nga naghingyo si Iloilo City Mayor Jerry Treñas sa Sangguniang Panlunsod agud magpirma sang kasugtanan sa AztraZeneca sa pagbakal sang COVID-19 vaccine.
Ginalauman naman nga mabakunahan ang masobra 350,000 nga mga residente sang syudad sang Iloilo.
Gin-athag man sang natungdan nga wala sang pilitay ang pagpabakuna kag ini ang voluntary lamang.
Nahibaluan nga nagapangayo ang AstraZeneca sang 20 percent downpayment antes nga maghatag sang bakuna.
