ILOILO – Kinahanglan gid nga may yara sang koordinasyon ang Local Government Units agud nga mapadali ang pagpauli sang local strandees.
Sa interview sang Bombo Radyo kay Atty. Suzette Mamon, Iloilo Provincial Administrator, iya ginpahayag nga may yara sang nagkalain-lain nga requirements para sa local strandees, depende sa lugar kun sa diin sila na stranded.
Para sa mga yara sa lugar nga napaidalom sa Enhanced Community Quarantine, yari ang mga kinahanglanon:
(1) Negative Result sang Reverse Transcription–Polymerase Chain Reaction test
(2) Certificate of Acceptannce gikan sa banwa nga paulian
(3) Certification sang Local Health Officer sa lugar nga ginhalinan kag
(4) Certification of Acceptance nga pirmado ni Iloilo Governor Arthur Defensor Jr.
Kun yara naman sa General Community Quarantine, kinahanglan nga may yara sang:
(1) Certification of Acceptance gikan sa alkalde sang banwa nga paulian
(2) Certification sang Local Health Officer kag
(3) Certification of Acceptance nga pirmado ni Iloilo Governor Athur Defensor Jr.
Suno kay Mamon, mas makapaayo nga ang local strandees ang magapakig-angot sa Local Government Unit kun sa diin sila na stranded kag ang Local Government Unit naman amo ang magapakig-angot sa Local Government Unit kun sa diin nga lugar sila magapauli.
Ginpahayag ni Mamon nga para sa mga local tourist, mahimo magpakig-angot kay Mr. Gilbert Marin sang Provincial Tourism Office.
Ang Overseas Filipino Workers naman ang mahimo nga magpakig-angot kay Mr. Francisco Heler sang Public Employment Service Office samtang ang local strandees naman ang mahimo makig-angot kay Dr. Jerry Bionat sang Provincial Disaster Risk Reduction and Management Office.
